ខេត្តកំពង់ស្ពឺ ÷ បែកធ្លាយលោក សំ សុធា អនុប្រធានមន្ទីរសាធារណៈការ និងដឹកជញ្ជូនខេត្តកំពង់ស្ពឺ និងជាប្រធានស្ថានីយ៍ថ្លឹងរថយន្ត គ្រប់ប្រភេទ នៅតាមបណ្តោយផ្លូវជាតិលេខ៤ ស្ថិតក្នុងសង្កាត់កណ្តោលដុំ ក្រុងច្បារមន ខេត្តកំពង់ស្ពឺ ថាបានទទួលលុយប្រចាំខែ ពីក្រុមរថយន្តដឹកលើសទម្ងន់ ដោយបើកដៃឲ្យរថយន្តទាំងនោះមិនចូលថ្លឹងទម្ងន់កាត់ស្ថានីយ៍តែម្តង។
ប្រភពព័ត៌មានបានឲ្យដឹងថា លោក សំ សុធា អនុប្រធានមន្ទីរសាធារណៈការនិងដឹកជញ្ជូនខេត្តកំពង់ស្ពឺ និងជាប្រធានគ្រប់គ្រងជញ្ជីងថ្លឹងរថយន្ត ក្នុងខេត្តកំពង់ស្ពឺ កំពុងតែកើបលុយរាប់លានរៀល ក្នុងមួយថ្ងៃៗ ដោយសារតែលោក សំ សុធា កំពុងប្រើអំណាចទៅលើរថយន្ត ដឹកលើសទម្ងន់ កត់សម្គាល់ផ្លាកលេខ ហើយតម្រូវឲ្យរថយន្តទាំងអស់នោះបង់លុយក្បាលឡានវិញ តែមានខ្លះបង់លុយ ប្រចាំខែក៏មាន។
ដោយឡែកក្រុមម្ចាស់រថយន្ត មួយចំនួនដែលមានរថន្ត រត់ឆ្លងកាត់ ស្ថានីយ៍ជញ្ជីងថ្លឹងរថយន្ត កណ្ដោលដុំនេះបាននិយាយថា រកស៊ីរាល់ថ្ងៃ ហាក់បីដូចជារកស៊ី ចិញ្ចឹមគ្រួសារគេដូច្នេះដែរ ព្រោះថាបើមិនបង់លុយទេ ច្បាស់ជារកស៊ីលែងបានហើយ ដូចពាក្យថាចូលស្ទឹងតាមបទ។
ពាក់ព័ន្ធប្រភពខាងលើនេះដែរ អ្នកយកព័ត៌មានយើង បានទំនាក់ទំនងទៅលោក សំ សុធា ប្រធានស្ថានីយ៍ ដើម្បីសុំការពន្យល់ បកស្រាយដោយ លោកបានប្រាប់ថា ជាប់រវល់សូមទំនាក់ទំនងជាមួយអនុប្រធានស្ថានីយ៍វិញ ជួបជាមួយអ្នកយកព័ត៌មានយើង អនុប្រធានស្ថានីយ៍ បានប្រាប់ថា ជាគោលការណ៍ជញ្ជីងរាល់រថយន្តលើសទម្ងន់លើកទី១ធ្វើកិច្ចសន្យាតាមបច្ចេកទេសពិន័យពួកគាត់ ប៉ុន្តែពេលខ្លះពួកគាត់ក៏មិនស្តាប់ដែរ លោកបាន ប្រៀបធៀបថា ជញ្ជីងប្រើល្បឿនផ្សេង ប៉ុន្តែជញ្ជីងនៅកណ្តោលដុំ បើសិនម្ចាស់រថយន្ត និងក្រុមហ៊ុន មិនសុខចិត្ត រឿងទម្ងន់ អាចថ្លឹងម្តងទៀត ហើយថតរូបទុកទៅ។
ពាក់ព័ន្ធទៅនិងសំនួរដែលថា ក្រុមលោកបានទទួលប្រាក់ប្រចាំខែ និងរាប់ក្បាលឡាន ដែលដឹកលើសទម្ងន់ពីក្រុមរថន្តដែលមិនចូលថ្លឹង លោកបានបញ្ជាក់ប្រាប់ផងដែលថា អត់ដែលបានទទួលការបង់លុយ ជាក្បាលឡាន ឬជាខែ អីនោះទេ ឲ្យតែការណែនាំចំពោះរថយន្ត សណ្ដោងផ្លូវ៥ ទម្ងន់៤០សិបតោន មានឡានខ្លះ អាចដឹកលើសដល់៤៥តោនក៏មាន ពេលខ្លះដោយមានការយោគយល់ ក៏ចេះតែសម្របសម្រួលគ្នា ថ្ងៃបាយ ថ្លៃម្ហូបទៅ តាមការជាក់ស្តែង និងអនុគ្រោះទៅ។
ចំណែកឡានតូច ដែលលើស ៣តោន បើចរចា សុំអនុគ្រោះ ពេលខ្លះពួកជូនលុយ តិចតួចចេះយោគយល់ ជូនកាលអ្នកខ្លះមិនឲ្យក៏មាន ទាក់ទិនទៅនិងការលើកឡើងថា មានការសម្លុតគំរាមនោះទទួល ស្គាល់ ជួនកាលមន្រ្ដីខ្លះសម្លុតតាកុងក៏មាន លោកបានបញ្ជាក់ថា នៅក្នុងច្បាប់ចែងថាលើស១០០គីឡូ ត្រូវតែផាក់ពិន័យហើយ លោកប្រធានស្ថានីយ៍បានបន្តថា នៅស្ថានីយ៍មានដាក់កាមេរ៉ា ទាំងក្នុង និងក្រៅ ចំណែករថយន្ត ដែលដឹកលើស១០តោន ៥តោន ពិន័យ ១លានរៀល លោកទទួលស្គាល់ថា មានរថយន្ត ខ្លះរត់គេច ជញ្ជីងមែនម្ដងកាល ប៉ុន្តែមិនញឹកញាប់នោះទេ នៅទីនោះមានសមត្ថកិច្ចចម្រុះ ការពារសុវត្ថិភាពតែប៉ុណ្ណោះ មានការលើកឡើងផងដែលថាបញ្ហាទាំងអស់នេះ គួរណាស់ថ្នាក់ដឹកនាំក្រសួងសាធារណៈការ ចាត់បញ្ជូនក្រុមជំនាញឲ្យមកធ្វើការត្រួតពិនិត្យ ទៅលើកក្រុមមន្ត្រីនៅស្ថានីយ៍ថ្លឹងរថយន្ត កណ្តោលដុំ នេះម្តងហើយ បើបណ្តែតបណ្តោយតទៅទៀត ទាំងប្រធាន និងអនុប្រធាន ច្បាស់ជាបានចិត្ត ហើយបន្តជិះសេះលែងដៃ ជាក់ជាមិនខាន។
អង្គភាពសារព័ត៌មាន SL Daily និងបន្តតាមដានសកម្មភាពនានា ជញ្ជីងថ្លឹងរថយន្តកណ្ដាលដុំនេះជាបន្តបន្ទាប់ទៀត សូមរង់ចាំទស្សនាវគ្គបន្ត។
